د مخابراتو او معلوماتي ټکنالوجۍ وزیرې د پستي شرکتونو مسؤلینو سره په ناسته کې د غوره خدمتونو په وړاندې کولو باندې ټینګار وکړ
د مخابراتو او معلوماتي ټکنالوجۍ وزیرې د پستي شرکتونو مسؤلینو سره په ناسته کې د غوره خدمتونو په وړاندې کولو باندې ټینګار وکړ
یکشنبه، د زمري ۱۰ مه
نن له غرمې مخکې د مخابراتو او معلوماتي ټکنالوجۍ وزیرې د خصوصي پستي خدمتونو له مسؤلینو سره د ناستې پر مهال د پستي خدمتونو د ښه والي، د فرصتونو را مینځته کول، د احتمالي ننګونو په حل او د پستي خدمتونو په ګډو همکاریو او په دې برخه کې د غوره خدمتونو په وړاندې کولو باندې خبرې وکړې.
په پیل کې د پستي خدمتونو تنظیم ادارې رئیس عبدالرشید احمدي د پستي خدمتونو وړاندې کوونکو شرکتونو مسؤلین غونډې ته ور وپیژندل او د دوی ستونزې او وړاندیزونه یې په تفصیل سره مطرح کړل او په دې اړه یې د دواړو خواوو په همکارۍ او د ستونزو په حل ټینګار وکړ.
ګډونوالو په دغه ناسته کې د نوموړي ادارې د پراختیا او پدې سکتور کې د زیاتو فرصتونو د رامینځته کولو غوښتنه وکړه. د مخابراتو او معلوماتي ټکنالوجۍ وزیرې د ګډونوالو د وړاندیزونو او نظرونو له اوریدو وروسته وویل، چې د پستي خدمتونو تنظیم قانون به ډېر زر تصویب شي او د هغه په رڼا کې به د پستي خدمتونو ستونزو ته رسیدنه وشي.
همدا رنګه اغلې معصومه خاوري زیاته کړه، چې د پستي خدمتونو تنظیم ادارې ته به پراختیا ورکړو او د پستي خدمتونو کوډونه به ډیجیټلي شي.
